18ذی_الحج کی تاریخ پڑھیں تو ایک ایسی

شھادت دکھائی دیتی ہے جس میں شھید ہونیوالے کا #نام حضرت سیّدناعثمانؓ غنی ذالنورین_ہے

جی ہاں__ وہی عثمانؓ جنہیں ہم ذالنورین کہتے ہیں
وہی عثمانؓ جنہیں ہم داماد مصطفیؐ کہتے ہیں
وہہ عثمان جنہیں ہم ناشر قرآن کہتے ہیں
وہی عثمانؓ جنہیں ہم خلیفہ سوئم کہتے ہیں
وہی عثمانؓ جو حضرت علیؓ کی شادی کا سارا
خرچہ اٹھاتے ہیں
وہی عثمانؓ جنکی حفاظت کیلئے حضرت علیؓ اپنے صاحبزادگان حضرت حسنؓ و حسینؓ کو بھیجتے ہیں
وہی عثمانؓ جنہیں جناب محمد الرسول اللّہؐ کا دوہرا داماد کہتے ہیں
خیر یہ باتیں تو آپکو طلبہ خطیب حضرات بتاتے رہتے ہیں
کیونکہ حضرت عثمانؓ کی شان تو بیان کی جاتی ہے
حضرت عثمانؓ کی سیرت تو بیان کیجاتی ہے
حضرت عثمانؓ کی شرم حیا کے تذکرے کئے جاتے ہیں انکے قبل از اسلام اور بعد از اسلام کے واقعات سنائے جاتے ہیں لیکن بد قسمتی ہے یہ کہ انکی مظلومیت کو بیان نہیں کیا جاتا انکی دردناک شھادت کے قصہ کو عوام کے سامنے نہیں لایاجاتا

تاریخ کی چیخیں نکل جائیں اگر حضرتِ عثمانؓ کی مظلومیت کا ذکر کیا جائے کوئی عالم یا خطیب نہیں لیکن میں اتنا جانتا ہوں کہ حضرتِ عثمانؓ وہ مظلوم تھے
جناب کا 40 دن پانی بند رکھا گیا آج وہ عثمانؓ پانی کو ترس رہیے ہیں جو کبھی امت کیلئے پانی کے کنویں خریدا کرتاتھے
حضرت عثمانؓ قید میں تھے تو پیاس کی شدت سے جب نڈھال ہوئے تو آواز لگائی ہے کوئی جو مجھے پانی پلائے ؟
حضرت علیؓ کو پتہ چلا تو مشکیزہ لیکر حضرتِ علیؓ حضرتِ عثمان ؓ کا ساقی بن کر پانی پلانے آرہے ہیں
ہائے ۔۔۔ آج کربلا میں علی اصغر پر برسنے والے تیروں کا ذکر تو ہوتا ہے لیکن حضرت علیؓ کے مشکیزہ پر برسنے والے تیروں کا ذکر نہیں ہوتا باغیوں نے حضرت علیؓ کے مشکیزہ پر تیر برسانے شروع کئے تو علیؓ نے اپنا عمامہ ہوا میں اچھالا تاکہ عثمانؓ کی نظر پڑے اور کل قیامت کے روز عثمانؓ اللّہ کو شکایت نا لگاسکیں کہ اللّہ میرے ہونٹ جب پیاسے تھے تو تیری مخلوق سے مجھے کوئی پانی پلانے نا آیا
کربلا میں حسینؓ کا ساقی اگر عباسؓ تھے
تو مدینہ میں حضرتِ عثمانؓ کا ساقی حضرتِ علیؓ تھے

پیکرِ شرم وحیا خلیفہ سوئم حضرت عثمانؓ کو 40 دن ہوگئے ایک گھر میں بند کیئے ہوئے جو عثمانؓ مسجد نبوی کیلئے جگہ خریدا کرتےتھے

آج وہ عثمانؓ کسی سے ملاقات نہیں کرسکتے جسکی محفل میں بیٹھنے کیلئے صحابہ اکرام ؓ جوق درجوق آیاکرتے تھے

40 دن گزر گئے حضرتِ عثمانؓ کو کھانہ نہیں ملا جو اناج سے بھرے اونٹ نبیؐ کی خدمت میں پیش کردیا کرتے تھے

نبیٔ اکرم ﷺ نے فرمایا، ’’ہر نبی کے کچھ رفیق ہوتے ہیں، میرے رفیقِ جنت عثمانؓ ہیں۔‘‘
ایک مرتبہ نبی اکرم صل ﷲ علیہ وسلم، سیدنا ابوبکر صدیق، سیدنا عمر فاروق اور سیدنا عثمان ذوالنورین رضوان ﷲ علیہم اجمعین احد پہاڑ پر چڑھ رہے تھے کہ پہاڑ ہلنے لگا تو نبی اکرم صل ﷲ علیہ وسلم نے فرمایا کہ احد! رک جا! اس وقت تجھ پر ایک نبی، ایک صدیق اور دو شہید ہیں۔ ( بخاری)
سفیدی مائل زرد رنگت کے سفید ریش بزرگ اپنے مکان کے دریچے پر کھڑے ہوئے تھے۔ بزرگ کا چہرہ پُرنور اور زلفیں کاندھوں تک آئی ہوئی تھیں اور وہ اپنے گھر کا محاصرہ کیے ہوئے باغیوں سے انتہائی مشفقانہ انداز میں فرما رہے تھے۔
’’میری دس خصال میرا رب ہی جانتا ہے مگر تم لوگ آج ان کا لحاظ نہیں کر رہے۔ میں اسلام لانے میں چوتھا ہوں۔ رسول اکرم ﷺ نے اپنی صاحب زادی میرے نکاح میں دی۔ جب پہلی صاحب زادی فوت ہوئی تو دوسری میرے نکاح میں دے دی۔ میں نے پوری زندگی کبھی گانا نہیں سنا۔ میں نے کبھی برائی کی خواہش نہیں کی۔ جس ہاتھ سے حضور ﷺ کی بیعت کی اس ہاتھ کو آج تک نجاست سے دور رکھا۔ میں نے جب سے اسلام قبول کیا کوئی جمعہ ایسا نہیں گزرا کہ میں نے کوئی غلام آزاد نہ کیا ہو، اگر کسی جمعے کو میرے پاس غلام نہیں تھا تو میں نے اس کی قضا کی۔ زمانۂ جاہلیت اور حالت اسلام میں کبھی زنا نہیں کیا۔ میں نے کبھی چوری نہیں کی۔ میں نے نبی ﷺ کے زمانہ میں ہی پورا قرآن حفظ کرلیا تھا۔
اے لوگو! مجھے قتل نہ کرو اگر مجھ سے کوئی غلطی ہوئی ہو تو مجھ سے توبہ کرالو۔ واﷲ! اگر تم نے مجھے قتل کر دیا تو پھر کبھی بھی تم اکٹھے نماز نہ پڑھ سکو گے اور نہ دشمن سے جہاد کرسکو گے، اور تم لوگوں میں اختلاف پیدا ہو جائے گا۔‘‘
یہ بزرگ تیسرے خلیفۂ راشد، سیدنا عثمان ذوالنورینؓ تھے۔ آپؓ خاندان بنو امیہ سے تھے۔ سیدنا عثمان بن عفانؓ کاتب وحی بھی تھے اور ناشر و حافظ قرآن بھی۔ آپؓ، نبیٔ اکرمؐ پر ایمان لانے والے چوتھے فرد تھے۔ سیدنا عثمانؓ نبی کریم ﷺ کے دہرے داماد تھے۔ نبی اکرمؐ کی چار بیٹیاں تھیں سیدہ زینبؓ، سیدہ رقیہ ؓ، سیدہ ام کلثوم ؓاور سیدہ فاطمہؓ۔ نبیٔ رحمت ﷺ کی دوسری بیٹی سیدہ رقیہؓ کا نکاح سیدنا عثمان ؓسے ہوا۔ سیدہ رقیہؓ سے سیدنا عثمانؓ کے فرزند حضرت عبدﷲ ؓ پیدا ہوئے اور انہی عبدﷲ ؓ کے نام پر سیدنا عثمانؓ کی کنیت ’’ابو عبدﷲ‘‘ تھی۔ غزوۂ بدر کے موقع پر سیدنا عثمانؓ، نبی اکرم ﷺ کے حکم سے سیدہ رقیہؓ جو کہ اس وقت بستر علالت پر تھیں، کی تیمارداری کے لیے رک گئے اور غزوۂ بدر میں شریک نہ ہوسکے۔ مگر بہ قول نبیٔ کریم ﷺ، سیدنا عثمانؓ کو اصحاب ِبدر کے مثل درجہ عطا ہوا۔ سیدہ رقیہؓ کے انتقال پرُملال کے بعد نبی اکرم ﷺ نے اپنی بیٹی، سیدہ ام کلثومؓ کا نکاح سیدنا عثمانؓ سے کر دیا۔ جب وہ بھی وفات پاگئیں تو نبی کریم ﷺ نے فرمایا کہ، اگر میری چالیس بیٹیاں بھی ہوتیں تو میں اسی طرح ایک کے بعد ایک، عثمان کے نکاح میں دیتا جاتا۔ خیال رہے کہ حضرت عثمانؓ وہ واحد ہستی ہیں جن کے نکاح میں کسی پیغمبر کی دو بیٹیاں یکے بعد دیگرے آئی ہوں۔ اس صفت میں سیدنا عثمانؓ کا کوئی شریک نہیں ہے۔ اسی وجہ سے سیدنا عثمانؓ کا لقب ’’ذوالنورین‘‘ یعنی ’’دو نوروں (روشنیوں) والا‘‘ ہے۔
سیدنا عثمان ذوالنورینؓ 12 سال تک امت ِمسلمہ کے خلیفہ رہے اور کئی ممالک فتح کرکے خلافت اسلامیہ میں شامل کیے۔ آذر بائیجان، آرمینیا، ہمدان کے علاقوں میں بغاوت ہوئی، جس کا قلع قمع امیر المؤمنین سیدنا عثمانؓ کی خلافت میں ہی ہوا۔ اور اس بغاوت کا سدباب سیدنا ابو بکر صدیقؓ کے دور کی بغاوتوں کے سدباب کی طرح ہی اہم تھا۔ مزید یہ کہ ایران کے جو علاقے مثلاً بیہق، نیشاپور، شیراز، طوس، خراسان وغیرہ بھی خلافت عثمانی میں ہی فتح ہوئے اور قیصر روم بھی آپؓ کے دور میں ہی واصل نار ہوا۔ سیدنا عثمانؓ کے دور خلافت میں ہی بحری جہاد کا آغاز ہوا۔ بحری جہاد کی ابتدا کرنے والے لشکر کے لیے جنت کی خوش خبری نبیٔ کریم ﷺ اپنی لسان مبارکہ سے ارشاد فرما چکے تھے۔ سیدنا عثمانؓ شرم و حیا اور جود و سخا کے پیکر تھے۔ آپ ؓ نے کبھی زنا نہیں کیا اور نہ ہی کبھی شراب نوشی کی۔ آپؓ انتہائی نرم خو اور سخی تھے۔ متعدد مرتبہ نادار اور مجبور مسلمانوں کے لیے اپنا مال بغیر کسی قیمت کے فی سبیل اﷲ خرچ کیا۔ اور کئی دفعہ جہاد کے لیے مالی طور پر نبیؓ کی خدمت میں مال و زر پیش کیا۔ ایک مرتبہ نبیؓ کی پنڈلی مبارک سے کپڑا نسبتاً زیادہ اوپر اٹھا ہوا تھا، اسی اثنا میں علم ہوا کہ سیدنا عثمانؓ چلے آرہے ہیں تو رسول کریم ﷺ نے انتہائی عجلت میں کپڑا نیچے کر دیا۔ سیدنا عثمان ؓ کے جانے کے بعد ام المؤمنین سیدہ عائشہ صدیقہؓ نے اس ضمن میں استفسار فرمایا تو آنحضور ﷺ نے جواباً ارشاد فرمایا، کیا میں اُس سے حیا نہ کروں جس سے آسمان کے فرشتے بھی حیا کرتے ہیں۔
صلح حدیبیہ کے سال نبیٔ کریمؐ اپنے صحابہ کرامؓ کی معیت میں عمرے کے ارادے سے جانب مکہ عازم سفر ہوئے، مگر معلوم ہوا کہ کفار مکہ آپؐ اور صحابہ کرامؓؓ کے عمرہ ادا کرنے میں رکاوٹ ڈال رہے ہیں تو آپؐ نے سیدنا عثمانؓ کو اپنا سفیر بنا کر مکہ بھیجا۔ جہاں کفار نے سیدنا عثمانؓ کی شہادت کی افواہ اڑا دی۔ اس پر حضور اکرم ﷺ کو انتہائی رنج و قلق ہوا اور آپؐ نے سیدنا عثمانؓ کے قتل ناحق کا انتقام لینے کے لیے اپنے ساتھ موجود تقریباً ڈیڑھ ہزار صحابہ کرامؓ سے فردا فردا بیعت لی، اسے بیعت رضوان کہا جاتا ہے۔ بیعت ِرضوان کے موقع پر نبی کریم ﷺ نے اپنے دست ِمبارک کو سیدنا عثمانؓ کا دست مبارک قرار دیتے ہوئے اُن کی طرف سے بیعت کی۔ اس موقع پر اﷲتعالیٰ نے سیدنا عثمان ؓ کی بہ دولت تقریباً ڈیڑھ ہزار مسلمانوں سے اپنی رضا کا اعلان فرمایا۔
نبی کریم ﷺ نے حضرت عثمانؓ سے فرمایا تھا کہ اﷲ آپ کو ایک قمیض پہنائے گا (یعنی خلافت عطا فرمائے گا) لوگ چاہیں گے کہ آ پ وہ قمیض اتار دیں (یعنی خلافت سے دست بردار ہو جائیں) اگر آپ لوگوں کی وجہ سے اس سے دست بردار ہوئے تو آپ کو جنت کی خوش بو بھی نہیں ملے گی۔ یہی وجہ تھی کہ سیدنا عثمانؓ باغیوں کے پرُزور مطالبے کے باوجود بھی منصب ِخلافت سے دست بردار نہ ہوئے اور اپنے راہ بر و راہ نما ﷺ کے حکم پر جان نچھارو کردی۔ باغیوں کے محاصرہ کے دوران آپؓ نے اپنے گھر کے دریچے سے ظاہر ہوکر ان عاقبت نااندیش باغیوں کو تنبیہ کی۔ مگر اُن کی عقل مائوف اور ضمیر مردہ ہو چکے تھے۔ اسی سازش کے نتیجے میں خلیفۂ وقت سیدنا عثمانؓ کے گھر کا محاصرہ کرلیا گیا اور وہ بھی ایسے وقت میں کہ اکثر صحابہ کرامؓ اور عام مسلمان بہ غرض حج مکہ مکرمہ میں تھے۔ سیدنا عثمانؓ کو خلافت سے دست بردار ہونے کو کہا گیا مگر بہ حکم نبوی ﷺ آپؓ نے یہ مطالبہ رَد کر دیا۔ اور چالیس دن بھوکے پیاسے روزے کی حالت میں ان باغیوں کے محاصرہ میں اپنے گھر میں ہی مقید رہے۔ دن رات نماز و تلاوت قرآن میں مشغول رہے۔ اور بالآخر 18ذی الحج، 35ہجری کو دوران تلاوت شہید کر دیے گئے۔
اﷲتعالیٰ ہمیں سیدنا عثمان غنیؓ سمیت تمام صحابہ کرام رضوان اﷲ علیہم اجمعین کے نقش قدم پر چلنے کی توفیق عطا فرمائے۔

انجمن سرفروشان اسلام(رجسٹرڈ)پاکستان