بانی و سرپرست اعلیٰ حضرت سیدناریاض احمد گوہر شاہی مدظلہ العالیٰ نے انجمن سرفروشانِ اسلام رجسٹرڈکی بنیاد 1980میں حیدرآباد میں رکھی، اس کا بنیادی مقصد یہ ہے کہ اس مادیت کے دور میں روحانیت کا راستہ ترک نہ کیا جائے تاکہ ہمارا وجود باعث رحمت ہوسکے۔ ازمنہ سابقہ میں یہ کام جن زعمائے ملت نے انجام دیا انہیں ہم اولیاء کرام کہتے ہیں۔ انہی کے رشد وہدائت کے تحت مسلم عوام کی اکثریت نے اقتدار ِ روحانیت سے آگہی بھی حاصل کی اور حسبِ توفیق اپنی ذاتی ز ند گی سے اس کا جائز مقام بھی دیا۔ آج اس بات کی ضرورت ہے کہ اولیائے کرام کے پیغام کو عام کیا جائے اور یہ کام منظم طور پر ایسی انجمنیں روبکار لائیں جو اس کا حق ادا کر سکیں۔آج ہمیں ذرائع ابلاغ کی وہ سہولتیں بھی حاصل ہیں جو ازمنہ سابقہ میں میسر نہ تھیں۔ اس کے لئے دوائر کو مصدر بنانا لازم تھا کیونکہ یہی جگہیں مرجع خلائق ہو سکتی تھیں۔ آج ان مقاما ت کو وہی قدیم حیثیت حاصل ہے لیکن اب ذرائع ابلاغ کی بناء پر عام جلسوں پر بڑی محفل کے ذریعے اس پیغام کو گھر گھر پہنچایا جا سکتا ہے۔

الحمدللہ انجمن سرفروشانِ اسلام پاکستان کا بھی اپنا دستور العمل حاضر ہے
تمام تنظیمی کام اس کے دائرے میں رہتے ہوئے کئے جاتے ہیں اور انشاء اللہ کئے جاتے  رہیں گے۔

دستورالعمل کا مکمل مطالعہ کرنے کیلئے یہاں کلک کریں

  مزید معلومات کیلئے یہاں کلک کریں۔